Gebeden

Avé Maria

(aan ’t Leef Vruiwke van Genuë)

Aan d’n alde roëzekrans,
baeijt mien mooder kral veur krälke
Avé’s in ’t klein kapelke.

Zutjes weijt de wind
door de aope deur.
Naeve mooder kiek ein kind
wie ’t stille vlämke
van ’t ieuwig lämpke
schaduw teikent op de moor.
Mooder baeijt maar door,
Avé Maria.

Leeve Vruiwke, oetverkaore
Mooder-Maag, vergaet ôs noëit.
Oet Och is Gods Zoon gebaore,
help ôs tot aan ôzz’n doëd
Keuningin van alle Heilige,
Mooder van de gooie raod,
wil mien kind veur kwaod beveilige,
gaef ’t enne zalige staot,
Avé Maria.

Langsaam langs de veldwaeg t’ruuk,
geit de mooder met ’t ventje.
In eur hand zien kinderhändje.
Piet Stroeken

Venlo, 25 maart 1938 (Maria Boodschap)

Leef Vrouwke van Geuë

Help ós en huur ós bitter klage;

Verlos ós van de noëd en ’t leid

Help ós dit te drage.

Al schient ós smaeke ónverhuërd.

Maria ónvolpreze,

Door ’t Leid heb Gej

Meschien aan ós

de groëtsten deens beweze.

1909
Uit het bidboek van zuster Babtista O.P. (Dominicanesse)